Kitap hakkında
Bendenizi ziyadesiyle mahzun ü me’yus eyleyen müderrisin bu sözleri dil-i rakikimi nâ-şâd kılmışdır. Türkman taifesinin Kerkük nam belde-i kadîmesi hakkında kitapta bana ta‘alluk eyleyen sitemkârane sözler, rahat ü huzurumu bozub be-gayet müteessir oldım. Dimek kim, seyahatnamemde bir nakısa bulunmuşdır. Ol sebebden diyar-ı Türkman olan kasaba-i Kerkük’i ziyaret itmek mukarrer oldı. Evvela dostumuz Kâtip Çelebi’nin gönlünü yapmak gerekdür, dedüm. Saniyen içimde ziyadesiyle büyük bir ‘ukde olan bu meseleyi hal yoluna komayı arzu eyledim. Bu ziyaretle Kerkük’e dayir ma‘lumat-ı vafireyi kendü kitabımuza derc eyleyüb Kerkükî müderris efendiyi de şadüman kılam, dedüm. Hemen kaftanümi giyüb, Cebrail aleyhisselamın huzuruna teveccüh eyleyüb, can ü gönülden meded taleb ü arz eyledüm: “Allah-ü te‘âla izin virürse, varub bilâd-ı ‘Irak’a seyahat itmeye niyetlendüm. ‘Irak’da tavattun eylemiş Türkman diyarını gezüb, ba‘dehü bi-iznillah anları tastîr eylemek muradımdır.”