Kitap hakkında
سز بو طابیەیی جانكزدن قیمتلی كوردكز. هر بریكز اون كشیی یە قارشی طوردیكز طقسان كوندر چكمدیككز بلا كورمدیككز زحمت قالمدی. عثمانلیلرك ناموسنی كوكلرە چیقاردكز. او شانلی شانلی باباكزك اولادی اولدیغكزی كوستردیكز. بوندن صكرە نریە كیدرسەكز كیدك قورقمیك نریە كیتسەكزدە « بن سلسترە محافظلرندنم» دیسەكز اوممادیغكز رعایتی كوررسكز. ولو دشمن ملكندە اولسون. مرد اولان قلیجكزە انسان اولان ناموسكزە یمین ایدرم. جناب حق حضورندەدە آلنكز آچیقدر. وطننی سونلری اللهدە سور. وطن سزدن خشنوددر.